सोने के कटोरिया में दूध भात
गोदिया कन्हैया पुत हे,
सोने के कटोरिया में दूध भात
गोदिया कन्हैया पुत हो
यशोदा घूमी घूमी कान्हा के खियावेली
चंदा के बोलावेली हो
यशोदा घूमी घूमी कान्हा के खियावेली
चंदा के बोलावेली हो
आरे आवा चंदा मामा पारे आवा
नदिया किनारे आवा हो…..
आरे आवा चंदा मामा पारे आवा
नदिया किनारे आवा हो
चंदा आवा न अंगना हमार
कन्हैया मोरा खेलस हो,
ए चंदा
आवा न अंगना हमार कन्हैया मोरा खेलस हो
सोने के थरीयवा मनाई देबो
जलवे भराई देब हो….
सोने के थरीयवा मनई देबो
जलवे भराई देब हो
चंदा आयी न अंगना हमार
कन्हैया मोरा खेलस हो,
ए चंदा
आयी न अंगना हमार कन्हैया मोरा खेलस हो
सोने के कटोरिया में दूध भात
गोदीया कन्हैया पुत हे।।
Author: Guru Ashish
