थारी काया रो गुलाबी रंग, उड़ ज्यासी,
थारी काया रो गुलाबी रंग उड़ जासी,
उड़ जासी रै फिको पड़ जासी,
थारी काया रो गुलाबी रंग उड़ जासी,
थारी काया रो गुलाबी रंग उड़ जासी।
हरा हरा रूंखड़ा उगता बाग में,
हरा हरा रूंखड़ा उगता बाग में,
पान फूल एक दिन झड़ जासी,
थारी काया रो गुलाबी रंग उड जासी,
थारी काया रो गुलाबी रंग उड़ ज्यासी।
सूरज उगीयो ने दोपारां तपीयो,
सूरज उगीयो ने दोपारां तपीयो,
साँझ पड्या सूरज ढळ जासी,
थारी काया रो गुलाबी रंग उड जासी,
थारी काया रो गुलाबी रंग उड़ ज्यासी।
रैण बसेरो पंछी किनो,
रैन बसेरो पंछी किनो,
भोर भई रे पंछी उड जासी,
थारी काया रो गुलाबी रंग उड जासी,
थारी काया रो गुलाबी रंग उड़ ज्यासी।
ओ जग सर्कस है देख मेरा भाई,
ओ जग सर्कस है देख मेरा भाई,
अरे खेल खत्म होया पछे घर जासी,
थारी काया रो गुलाबी रंग उड जासी,
थारी काया रो गुलाबी रंग उड़ ज्यासी।
ओ तन है भाई पानी रो पतासों,
ओ तन है बीरा पानी रो पतासो,
पाणी रो पतासो बीरा गळ जासी,
थारी काया रो गुलाबी रंग उड जासी,
थारी काया रो गुलाबी रंग उड़ ज्यासी।
कहे देवीदास श्री, भजन करो भाई,
कहे देवीदास श्री, धरम करो भाई,
धरम कमाई थारे सागे जासी,
थारी काया रो गुलाबी रंग उड जासी,
थारी काया रो गुलाबी रंग उड़ ज्यासी
Author: Unkonow Claim credit