भवानी ए ये जोड़या दोनू हाथ
भवानी ए ये जोड़या दोनू हाथ, बाजना डेरू दियो घड़वाय,
डेरू रै बिना जागन लगता नाई, सेवक रै सुन मेरे मानडा री बात,
खाती न बेगा लियो रै बुलाया, बाजना डेरू लियो घड़वाय…..
भवानी ए ये जोड़या दोनू हाथ, पहरन ने बाना दियो सिडवाय,
बाने रै बिना घूमर घलता नाई, सेवक रै सुन मेरे मानडा री बात,
दर्जी न बेगा लियो रै बुलाया, पहरान वाला बाना लयो सिडवाय,…
भवानी ए ये जोड़या दोनू हाथ, खेलन वाला खांडा दियो घड़वाय,
खांडे रै बिना खाड़ा लगता नाई, सेवक रै सुन मेरे मानडा री बात,
लुहारा न बेगा लियो रै बुलाया, खेलन वाला खांडा लयो घड़वाय……
भवानी ए ये जोड़या दोनू हाथ, बाजन वाला घुंगरू दियो घड़वाय,
घुगर रै बिना नाच्यो कोनी जाय, सेवक रै सुन मेरे मानडा री बात,
ठैठारो बेगा लियो रै बुलाया, बाजणा घुगरू लयोनी घड़वाय….
भवानी ए ये जोड़या दोनू हाथ, पैदल चल आवा थारी जात,
पालू में मोटी थारी धाम, भगत न रखो चरना माय,
भवानी ए ये जोड़या दोनू हाथ…..
Author: Unknown Claim credit
