हो बाबा हो बाबा मै आई तेरे द्वार-संकट काटो नै…..
संकट मेरा सै घणा भारी घर मै जीन्न बड़ा अत्याचारी,
माणस दिये कई मार-संकट काटो नै,
हो बाबा हो बाबा मै आई तेरे द्वार-संकट काटो नै…..
मेरे पड़ोसी स्याणा पै जावै उल्टे उल्टे काम करावैं,
दुःखी करा परिवार संकट काटो नै,
हो बाबा हो बाबा मै आई तेरे द्वार-संकट काटो नै…..
रुसगे घर के पित्तर सारे उल्टे दिन इब लागगे म्हारे,
चढग्या ऊपर भार संकट काटो नै,
हो बाबा हो बाबा मै आई तेरे द्वार संकट काटो नै…..
मेरी सासू सै घणी कलिहारी पति शराबी और जुआरी,
कर्जा करा कईं हजार संकट काटो नै,
हो बाबा हो बाबा मै आई तेरे द्वार-संकट काटो नै…..
सास मेरी नै सदबुद्धि देदे अमन गुरु की वा घूंट्टी लेले,
दुःखिया रही पुकार-संकट काटो नै,
हो बाबा हो बाबा मै आई तेरे द्वार-संकट काटो नै…..
Author: Unknown Claim credit
