मैंया जी म्हारो छोटो सो है यो परिवार
मैंया जी म्हारो छोटो सो है यो परिवार,
भूल कदे ना जाज्यो जी,
हर दम आडा आज्योजी,
म्हारा मैंया जी.. प्यारा मैंया जी
मैंया जी म्हारो आपस में बण्यो रहवै प्यार,
कोई बुरी नजर ना लागे जी,
रहवां म्हे सगळा सागे जी.. म्हारा मैंया जी..
मैंया जी म्हारो रहवै निरोगी परिवार,
कोई बुरा करम से बचाज्यो जी,
ज्ञान को दीप जगाज्यो जी.. म्हारा मैंया जी..
मैंया जी म्हारो हरयो-भरयो रहवै परिवार,
कोई पूण-पावलो भिजाज्यो जी,
दान-धरम भी कराज्योजी.. म्हारा मैंया जी..
मैंया जी म्हारो सत्संगी रहवै परिवार,
थारै भग्तां के घर आज्यो जी,
कहवै अम्बरीष मान बढाज्योजी.. म्हारा मैंया जी..
Author: Unknown Claim credit
